Македонскиот ракометен суперлигаш Куманоо се засили со уште еден Бразилец во своите редовите за пролетната полусезона. Станува збор за младинскиот репрезентативец на Бразил, Џанкарло Фелипе Хен.
Новиот ракометар на Куманово има 21 година, игра на позицијата лев бек и е висок 191 сантиметар.
„Репрезентативецот на ракометната селекција на Бразил до 21 година Џанкарло Фелипе Хен е нов ракометар на МРК Куманово. Игра на позиција лев бек и е висок 191 сантиметар. Во целокупната своја кариера има настапувано во шампионатот на Јужна Америка и за него е прв предизвик да игра во Европа. За младинската репрезентација на Бразил настапи на СП за ракометари во оваа возрасна категорија кое се одржа во Германија“, се вели во клупското соопштение.
Куманово претходно се раздели со еден Бразилец откако Чиао Винициус премина во редовите на Охрид, а потоа го промовираше Бразилецот Гилерме Да Силва Фернандес.
