Младиот голман Иван Николоски се враќа во македонскиот фудбал, откако во есенскиот дел беше дел од Поградец од Албанија.
Тој во Поградец замина од редовите на Каменица Саса, но по шест месеци во Втората албанска лига реши да си замине. Интерес за Николоски има од неколку екипи од Македонија, а во следниот период ќе биде познато што ќе одлучи Николоски и каде би ја продолжил кариерата.
Николоски е поранешен младински репрезентативец на Македонија, кој беше дел од У-19 репрезентацијата, У-20 и У-21 репрезентацијата на Македонија.
Николоски потекнува од Победа, во својата кариера има настапувано за Брегалница, Работнички, Дрига Боговиње, Влазерими, Беласица, Силекс, Воска Спорт, Каменица Саса и последно Поградец.
