Фудбал

Почина Димитар Георгиев – Шеки, легендарниот фудбалски мајстор од Струмица

Сподели
Сподели

Струмичкиот и македонскиот фудбал останаа без уште едно големо име. Почина Димитар Георгиев – Шеки, легендарниот струмички фудбалер и извонреден фудбалски талент, кој остави длабока трага во историјата на локалниот спорт.

Шеки важеше за еден од најголемите фудбалски таленти што ги родила Струмица. Со својот препознатлив стил на игра, креативност, фудбалска интелигенција и атрактивни голови, знаеше да ја воодушеви публиката и да остави белег на теренот.

Посебно значајно место во неговата кариера има ФК Беласица, чиј дрес го носеше во текот на десет сезони. За струмичките „сино-бели“ одигра 235 првенствени натпревари и постигна 50 голови, статистика со која се вбројува меѓу десетте најдобри фудбалери во историјата на клубот според двете категории.

Во 1983 година Георгиев беше дел од шампионската генерација на Беласица, со која испиша значајно поглавје во клупската историја. Покрај настапите за Беласица, во текот на кариерата го носеше и дресот на други струмички клубови, меѓу кои и Тиверија, со која исто така оствари значајни резултати.

Неговото фудбалско мајсторство и талент го направија препознатлив меѓу љубителите на фудбалот, а настапите и головите останаа дел од сеќавањата на генерациите што имаа можност да го следат на теренот.

Популарниот Шеки пред само десетина дена прими врамен дрес од претседателот на ФК Беласица, Славчо Васков – Пинда, во знак на благодарност за долгогодишниот придонес кон Беласица и македонскиот фубдал.

Заминувањето на Димитар Георгиев – Шеки претставува голема загуба за Струмица и за македонскиот фудбал. Зад себе остави спортско наследство кое ќе продолжи да се пренесува преку приказните за неговите настапи, мајсторството со топката и придонесот за фудбалот во родниот град.

ФОТО: Беласица им оддаде почит на клупските легенди Благој Митев и Димитар Георгиев – Шеки

Неговото име засекогаш ќе остане запишано во историјата на струмичкиот фудбал.

Фудбалските клубови Брера Струмица и Беласица изразија сочувство до семејството на Димитар Георгиев – Шеки и неговите најблиски пријатели.

Редакцијата на Спортска Мрежа упатува искрено сочувство до семејството, најблиските и пријателите на Димитар Георгиев – Шеки.

Сподели

Не пропуштајте

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во меч од 5. коло на Првата футсал лига. До овој голем...

Ракомет

Вардар Неготино како „експресен воз“ го „прегази“ Радовиш, Македонија Ѓорче Петров со голема победа го „тресна“ Пролет

Деветтото коло од Првата ракометна лига во машка конкуренција донесе пет гостински и две домашни победи, со вкупно 476 постигнати голови. Вардар Неготино...

Поврзани написи
ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во...

ФудбалЧетврта лига

Маџари со доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалЧетврта лига

Локомотива до минимална победа, реми на Тополка и Горски, Плавник го доби Согле

Седмото коло на Општинската фудбалска лига во Велес донесе погодоци на сите...

✕
error: Содржина е заштитена! Се забранува копирање на истата!