Поранешниот шампион на Македонија, екипата на Форца забележа убедлива победа над СЕЕ Университи на домашен терен, откако славеше со 7:3 во рамките на 3. коло на Првата футсал лига.
Домаќинот ја оправда фаворитската улога со голем триумф, а до истиот стигна преку четири гола на Јасир Зекири и двата гола на Иљаз Чиљафи, а пак еден гол беше дело на Берат Рамадани.
За тимот од Тетово во првиот дел погодија Исмет Цека и Ивица Костадиноски, а во вториот дел стрелаше Иса Ејупи за ублажување на поразот.
Големо триумф забележа и Шкупи, клуб кој е поранешен првак на Македонија со убедливи 3:7 против Осогово во Крива Паланка.
Гостинот ја имаше фаворитската улога, а истата ја оправда преку погодоците на Абдил Кадар Јахја кој беше двоен стрелец, како и Артан Јунузи, Зекир Зејнели, Реџеп Сулејмани, Сами Аљиљи и Еркан Сефери кои беа стрелци на по еден гол.
За домашниот тим погоди Андреј Јаневски, а во вториот дел двапати стрелаше Давид Ристовски.
Кеги Моби ја доби драмата со Јувентус Серава на домашен терен, откако во Велес беа постигнати 12 гола за триумф на домашниот тим со 7:5.
Трајче Трајков постигна хет-трик, а пак двојни стрелци за Кеги Моби беа Петар Левков и Марио Панев, а за гостинот еден гол постигна Елмир Алији, а пак двојни стрелци беа Фуркан Шабани и Ибрахим Алији.
Претходно, како што веќе објави Спортска Мрежа шампионот Проект го декласираше Бутел, извештајот од овој меч е достапен овде.
Колото ќе се затвори на 30 октомври во Кавадарци со мечот меѓу Клими и Железарец.
