Денес започнува новата сезона во ракометната Суперлига, а радовишани вечерва по една година пауза одново ќе следат суперлигашки ракомет.
Радовиш по една година во Првата ракометна лига успеа експресно да се врати во друштвото на најдобрите во Македонија, откако минатата сезона заврши на второто место, а во баражот го совлада Еурофарм Пелистер 2 и со тоа се врати во ракометната елита на Македонија.
Радовишани вечерва од 19 часот во СРЦ „25-мај“ ќе се соочат со екипата на Охрид во рамки на 1. коло во меч каде охридските „гладијатори“ ќе бидат апсолутни фаворити за освојување на трите бодови. Радовишани растеретени од било какви притисоци одат да се надигруваат со противникот.
Радовишани вечерва ќе го проследат првиот меч на нивниот миленик во Суперлигата, а поддршка ќе има и од верната навивачка група „Лебари Исток“.
Александар Ванев, Спортска Мрежа
