По разделбата со девет фудбалери, охридскиот прволигаш Воска Спорт ангажираше четири нови странски засилувања, дознава Спортска Мрежа.
Во Воска Спорт приста турскиот голман Халил Багчи, кој доаѓа од турскиот тим Газиантеп, 21-годишникот има настапувапе и за Хелсинки и Салон во Финска, као и за младинските категории на Анкарагуџу од Турција.
Нов играч во Воска Спорт е и Јапоенцот Таики Когајама, 28-годишникот доаѓа од редовите на шведскиот тим Сундсвал, а има настапувано за екипи во Грузија, Малезија, Финска и родната Јапонија.
Филип Валенчиќ е нов играч на Воска Спорт, 32-годишниот интернационалец од Словенија во Охрид доаѓа од тимот на Хонка од Финска, има настапувано за повеќе екипи од Словенија, Инталија каде беше дел од тимот на Монза, Финска, Норвешка, Белорисија каде настапуваше за Динамо Минкс, а имаше настапи и во Полска.
Туре Сиира e исто така засилување во Воска Спорт, 30-годишниот фудбалер од Финска доаѓа од тимот на Хака, а овој трансфер за него ќе биде прв интернационалец предизвик настапувајќи во Првата македонска фудбалска лига.
Новиот играч на Воска Спорт го има освоено Купот на Финска.
Претходно како што објави Спортска Мрежа екипата на Воска Спорт се раздели со Муамет Шакир, Албан Мемеди, Тарик Демишоски, Антонио Илиески, Марко Вуковиќ, Хабибула Аскар, Дестан Адили, Христијан Јанкулоски и Јасин Казимоски.
Повеќе од јасно е дека Воска Спорт има намери за директен опстанок после ангажманот на овие четири странски засилувања, а во следниот период ќе има уште неколку засилувања.
