Прволигашот Шкупи потпиша договор со турскиот дефанзивец Емир Јазичи за следните две сезони.
22-годишниот фудбалер, кој потекнува од младинската академија на Трабзонспор, до неодамна настапуваше за Кушадасиспор. Јазичи минал низ сите младински категории на Трабзонспор, а на 19 години првпат бил префрлен во Карагумрук.
Во својата кариера има настапувано за неколку други турски клубови, а трансферот во Шкупи ќе биде неговиот прв надвор од Турција.
Во следните денови Шкупи ќе промовира и други играчи, а целта во пролетниот дел ќе биде борба за место во Европа.
