Прилепска Победа пред полна стадион го декласираше Борец со 4:0 на отварањето на 6. коло на Трета лига регион 4.
Домашниот состав имаше фантастично издание и на полувреме имаше предност од 2:0 со головите на Мартин Никовиќ, а во вториот дел печат на големиот триумф за Победа ставија Иса Цанески и Даниел Карчески.
Росоман со головите на Марко Миловановиќ и Слободан Дуков славеше со 2:0 над Венец од Долни Дисан.
Башкими од Јаболчиште со 4:1 го декласираше тимот на Млекар и ја израдува домашната публика. Александар Јордановски го отвори резултатот во 6. минута за 1:0 на полувреме.
Во вториот дел следуваше израмнување откако во 52. минута Димитар Грозданоски постигна гол, но до крајот од средбата Елфати Тахири го врати водството на 2:1 во 65. минута, а пак Еди Мандак со два гола стави печат на голема победа.
Ланскиот второлигаш Големо Коњари загуби на гостување кај Бучин со резултат од 3:2. Домаќинот преку Зоран Мичрески во 15. минута прв стигна до водство, а потоа гостинот преку Владимир Зарески во 23. минута и Ерџан Ибраимоски во 55. минута дојде до предност од 1:2.
До крајот на мечот домашниот тим преку головите на Александар Србиноски и Антонио Солевски стигна до победа од 3:2.
Колото се затвара денес со останатите средби.
