Победа од Тромеѓа забележа победа во 6. коло на Трета лига регион 2 откако на домашен терен со 2:1 го доби Влазними од Оризари.
Само три минути игра беа потребни домашните да го отворат резултатот за водство од 1:0 на полувреме преку голот на Гоце Насковски.
Во вториот дел дојде погодок за израмнување, истиот беше дело на Един Иљази во 60. минута, а пак во 76. минута Лука Љубевски погоди за 2:1 со што трите бодови останаа дома.
Во меч со пет гола Јуниор во Доброшане пред домашната публика го доби Липково со 3:2, натпревар кој понуди два пресврти.
Виктор Димитриевски во 6. минута го отвори резултатот за водство од 1:0, а до крајот на првиот дел Липково преку Бесар Авдији и Реџеп Шабани направи комплетен пресврт за 1:2 на полувреме.
Во вториот дел Димитриевски со втор гол во 71. минута израмни на 2:2, а победничкиот гол го постигна Христијан Ангеловски во 89. минута за конечни 3:2.
Колото се комплетира денес со останатите средби.
