Три медали за Македонија на Балканското првенство У15 во Копривница

Македонските млади борачи имаа одличен настап на Балканското првенство за борачи до 15 години, кое се одржува во Копривница, Хрватска.

Нашите репрезентативци се враќаат дома со три освоени медали, со што уште еднаш потврдија дека македонското борење има квалитет и потенцијал во младинските категории.

Покрај медалите, македонската репрезентација оствари и одличен екипен резултат, а младите борачи со своите настапи покажаа борбеност, квалитет и голема желба за успех.

1.  Харун Мемедов освои златен медал – категорија 38кг
2. Лука Ананиев освои бронзен медал – категорија 57кг
3. Абдул Азиз Азизи освои сребрен медал – категорија 62кг

Во екипна конкуренција, Македонија го освои третото место, со што уште еднаш нашите борачи покажаа дисциплина, квалитет и потенцијал.