Со многу погодоци беше отворено третото коло на Трета лига регион 4, откако убедлива победа забележа прилепска Победа на гостувањето во Бучин за „лото“ славје од 1:7.
Повеќе од јасна беше разлика во квалитет и беше за очекување дека Победа ќе забележи уште еден убедлив триумф. Александар Ристески запиша два гола, а по еден гол имаа Филип Стомнароски, Христијан Митрески, Мартин Никовиќ, Иса Цаневски и Даниел Карчески.
За домашниот тим единствен стрелец беше Ѓорѓија Мурогски, кој успеа да погоди во 44. минута од средбата.
Во Пепелиште беше вистински фудбалски празник, откако новајлијата Победа и ланскиот второлигаш Вардар Неготино ги поделија бодовите во меч кој заврши без победник (1:1).
Оливер Тодоров во 34. минута донесе предност за гостинот, кој на полувреме имаше гол предност. На стартот од вториот дел домаќинот тргна офанзивно да бара гол за израмнување, а истиот беше постигнат во 56. минута за конечни 1:1, а стрелец беше Денис Мемков.
Трите бодови останаа во Долни Дисан, откако Венец преку пресврт славеше над Пити Гули со 2:1. Гостинот од Крушево по само четири минути преку Антонио Димоски го отвори мечот и имаше почетна предност, а домашниот тим во 20. минута стигна до 1:1 со голот на Ѓорѓи Шишков за 1:1 на полувреме.
Во вториот преку Марјанчо Илов стигна до комплетен пресврт, во 57. минута за 2:1, а тоа беше и конечен резултат.
Колото се комплетира утре со останатите мечеви.
