Ефикасно стартуваше новата сезона во Втората женска фудбалска лига, со два натпревари од првото коло, на кои беа постигнати десет погодоци.
Билјанини Извори со триумф од 0:6 славеше над Плачковица во Радовиш, со што охридскиот тим лесно ја оправда фаворитската улога.
Голеадата ја започна капитенката Александра Алексиеска во 11. минута, а девет минути подоцна Стефанија Божинова погоди за двојна предност. Јоана Никова во 25. минута беше прецизна за предност од 0:3 на полувреме.
На стартот од вториот дел Ивана Шикалоска имаше два брзи гола со кои погодоци Билјанини Извори стигна до предност од 0:5.
Плачковица створи една посериозна шанса, но не успеа да ја совлада домашната голманка, по што гостинот од Охрид преку Стефанија Ристова во 55. минута ги постави конечни 0:6.
Во Слупчане се одигра дебитантски меч на Башкими и Менада, каде гостинот од Тетово беше подобар со 0:4.
По два гола предност на полувреме, во вториот дел Менада со уште два гола ги постави конечни 0:4.
Двојни стрелци беа Елена Петровска и Софија Стефановска.
Колото се затвара утре со две средби. Ржаничино ќе игра против Победа Валандово, а пак Топ Грлс против Топ Гол во Охрид.
