Вардар 1961 стигна до втората победа во Регионалната ракометна лига, откако на убедлив начин ја совлада Будванска Ривиера со 44-27.
„Црвено-црните“ уште од самиот почеток ја презедоа контролата врз натпреварот и не ѝ дозволија на гостинската екипа да се надева на неизвесен финиш. Црногорскиот состав успеа да постигне 15 гола во првото полувреме, но Вардар на одмор замина со предност од 21-15.
Во вторите 30 минути домашниот тим дополнително го засили темпото. Разликата постојано растеше, а избраниците на Иван Чупиќ без поголеми проблеми го приведоа натпреварот до крај и запишаа убедлив триумф.
Најефикасни кај Вардар беа Воркапиќ и Фадуил со по седум гола, додека кај Будванска Ривиера најрасположен беше Иваниќ, кој постигна дури 12 погодоци.
