Брегалница и Скопје денеска во Штип го затвораат осмото коло од Првата македонска фудбалска лига. Штипјани сезонава на свој терен почнаа со две победи, а потоа загубија од Шкендија Арачиново со минимални 1:0, и сега се надеваат дека повторно ќе се вратат на победничките патеки на свој терен.
Штипскиот тим исто така посакува да ја прекине низата од три натпревари без триумф во ПМФЛ, и да ја израдува домашната публика на денешниот меч против Скопје
„Важен натпревар за нас и за нашата публика, нашите навивачи. После овој меч има одмор каде што ќе можеме добро да се подготвиме за остатокот од сезоната. Но, сега сме максимално фокусирани кон дуелот со Скопје. Скопје е клуб кој треба да се почитува. Нема лесен противник во Првата лига, тоа го видовме во овие седум досегашни натпревари. Сите екипи заслужуваат респект. Ние влегуваме фокусирани 100 проценти, и ќе дадеме се од себе на крајот да се радува градот Штип и нашите навивачи“, рече Амир Јашар, голманот на Брегалница.
Дуелот Брегалница – Скопје се игра денеска на Градскиот стадион во Штип со почеток во 18:00 часот.
