Тиквеш ги доби официјалните лица за двата натпревари против Handball Esch од Луксембург во првото коло од ЕХФ Европскиот Куп. Европската ракометна федерација за европскиот двомеч во Кавадарци одреди судиска двојка од Хрватска, додека делегатската функција ќе ја извршува претставник од Србија.
На двата натпревари во спортската сала „Јасмин“ правдата ќе ја делат Матија Бродиќ и Матија Хоџиќ. За работата на официјалните лица и текот на средбите ќе биде задолжен Борис Ивановиќ од Србија, кој е делегиран како ЕХФ делегат.
Првиот дуел меѓу Тиквеш и Еш ќе се одигра во сабота, 19 септември, со почеток од 18:00 часот, а реваншот е закажан за истиот термин во недела, 20 септември. И двата натпревари ќе се одиграат пред домашната публика во „Јасмин“.
Кавадарчани така ги добија и последните детали за европскиот викенд, во кој ги очекува двоен предизвик против претставникот на Луксембург, со две средби на домашен терен во рамки на ЕХФ Купот.
