Македонските тенисери Кристијан Јанев и Ерион Незири со победа го започнаа настапот во конкуренција на двојки на Европското првенство за тенисери и тенисерки до 18 години, кое се одржува во Оберпулендорф.
Македонскиот тандем во првото коло славеше над бугарската комбинација Калојан Шиков и Александар Толев со 2-0 во сетови, откако по голема борба го доби првиот сет во тај-брејк со 7-6(5), а во вториот сет беше убедлив со 6-2.
Јанев и Незири утре во второто коло ќе се соочат со шведската двојка Вилијам Кјелберг и Лов Миквист.
Во конкуренција на двојки кај девојките, Мила Јовановски и Ирина Пиштолова беа поразени по голема борба од грчката комбинација Димитра Кумуцеа и Катарина Устабасиду. Македонките загубија со 2-1 во сетови, откако по убедливиот прв сет од 6-0, Гркинките се вратија со 6-2, а потоа славеа и во решавачкиот меч-тајбрејк со 10-3.
Утре нов предизвик го очекува и Кристијан Јанев во поединечна конкуренција. Македонскиот тенисер во второто коло ќе игра против третиот носител на турнирот, Јакуб Куси од Чешка.
