Фудбалската федерација на Македонија и „Ладна Вода“ потпишаа договор за соработка, со што компанијата „Магрони“ станува нов партнер на македонските фудбалски репрезентации.
Соработката претставува дел од определбата на ФФМ за создавање и обезбедување подобри услови за работа на националните селекции, но и потврда на општествената одговорност на компаниите и нивната поддршка за проекти од значење за спортот.
Новото партнерство се очекува да придонесе кон дополнителна поддршка на македонските репрезентации и нивните активности во претстојниот период.
„Секоја компанија која ја препознава потребата да се инвестира во репрезентацијата и во создавање подобри услови е важен партнер за нас. Ладна Вода ја препозна нашата визија и ни е драго што заеднички ќе ја градиме оваа соработка.“ -изјави Филип Поповски.
Соработката со Ладна вода ќе биде дополнителна поддршка за репрезентациите и за создавање услови во кои македонскиот фудбал може да продолжи да се развива.
„Фудбалската репрезентација е еден од најголемите спортски симболи на Македонија. Како компанија, сакаме конкретно да придонесеме кон нејзината работа и развој. Ова партнерство го гледаме како наша одговорност кон спортот и заедницата.“ -вели Ѓорѓи Начевски, претставник на Магрони.
