Прволигашот Преспа за новата сезона ќе има искусно име во своите редови, откако успеа да го врати искусниот Томче Трајчевски.
Ресенчанецот во Преспа се враќа од редовите на ланскиот суперлигаш Радовиш, кружниот напаѓач треба да биде голема адут на Преспа во предизвиците кои ќе ги има тимот од градот на јаболкото во Првата ракометна лига.
Трајчевски веќе дебитираше за тимот на Преспа на натпреварот од 1. коло на Првата ракометна лига, со четири погодоци за неговиот нов тим, но Преспа загуби од Текстилец на домашен терен со 33:35.
Искусниот кружен напаѓач покрај за Радовиш и Преспа, низ кариерата настапуваше и за Јуниор КВ и Прилеп, а потекнува од школата на Младост – Ресен.
