Ракометарите на Младост беа на чекор од првата сезонска победа, но на крај беа поразени со 29:30 од Прилеп во преполната сала „Млаз“ во Богданци, откако на стартот од вториот дел тимот на Горан Андоновски имаше највисока предност од 19:12.
По играта гол за гол до 3:3, домашниот тим започна да бара гол предност и започна на гради предност која беше 8:5, а потоа и 9:6, а на полувреме Младост имаше предност од 15:10.
Во вториот дел падна Прилеп со што Младост тоа го искористи за да може да дојде до 19:12, а од тогаш кога Наум Танески побара тајм-аут успеа да намали Прилеп и да ја топи таа предност.
На 29:28 на празен гол успеа да реализира Димитриоски откако Илиќ за „влакно“ не успеа да стигне да интервенира, за потоа Димитриоски да постигна уште еден гол за победа.
Владимир Бојаниќ беше прво име кај Младост со седум погодоци, а пак Даниел Андоновски и Ѓорѓе Ѓуриќ имаа по шест гола, кај Прилеп прво име беше Димитри Димитриоски со десет погодоци, сите во вториот дел и беше најзаслужен за победа на неговиот тим.
