Натпреварот од 2. коло на Втора лига е одложен и ќе се игра во нов термин
Викендот мечот кој требаше да се игра во Радовиш меѓу Детонит Плачковица и Охрид се одложува и ќе се игра во нов термин, дознава Спортска Мрежа
Барање за одложување на овој натпревар имаше поднесено Охрид и истото е прифатено од страна на Фудбалската федерација на Македонија (ФФМ). Двајца фудбалери на Охрид ќе настапат на Медитеранските игри во Италија и тоа е причината да се бара одложување на мечот.
За датумот и времето на одигрување на натпреварот ќе биде дополнително утврдено, а според нашите информации како опција е 2 септември (среда) нов датум за одигрување на овој натпревар.
Претходно, беше одложен и мечот меѓу Тетекс и Работнички од истата причина.
