Пелистер натпреварот од второто коло на Втората македонска фудбалска лига против Брера Струмица наместо во Битола ќе го игра во Кавадарци.
Со тоа битолчани ќе мора да патуваат во Кавадарци за да го следат натпреварот на Пелистер, а причината е обновување на тревната подлога на стадионот „Петар Милошевски“ во Битола, а влезот ќе биде слободен.
„Фудбалскиот клуб Пелистер ја информира јавноста, навивачите и спортската јавност дека натпреварот од 2. коло против екипата на Брера ќе се одигра на Градскиот стадион во Кавадарци. Поради активностите за обновување на тревната подлога на стадионот „Петар Милошевски“, а во консултација со ЈП „Комуналец“ – Битола и Фудбалската федерација на Македонија (ФФМ), донесена е одлука натпреварот да се одигра во Кавадарци. ФК Пелистер им се заблагодарува на сите инволвирани страни за разбирањето и соработката, со цел обезбедување на најдобри услови за одигрување на натпреварот.
Влезот за сите посетители ќе биде слободен“, велат од битолскиот второлигаш.
Пелистер новата сезона ја отвори со реми (1:1) против Камјани на домашен терен.
