Прилепчани како формални гости на свој терен лесно го совладаа „фенерџијата“ Радовиш со убедливи 37:22. Од самиот старт Прилеп тргна одлично, ја имаше контролата над резултатот и над самата игра и без проблеми стигна до голема победа со што победнички ја затвара есенската полусезона.
И натаму Радовиш останува како единствен тим без триумф во Суперлигата, а на овој меч најдобар кај Прилеп беше Давид Трајкоски со десет гола, а кај Радовиш се истакна Марко Стојанов со пет реализации.
Куманово со голем триумф од 32:25 слави над тимот на Бисинов од Велес, овој триумф за Куманово е важен во борбата да пренесе два бодови во плеј-аутот, а со тоа да има полесна цел кога е во прашање опстанокот во ракометната елита.
Димевски со 11 гола беше најдобар кај Куманово, а пак Стојановски со седум беше најдобар кај велешкиот тим.
Шампионот Еурофарм Пелистер со висока победа од 23:37 славеше над Пролет на гостувањето во Скопје и победнички заминува на пауза.
Костески беше најдобар кај битолчани со десет гола, а пак кај Пролер најдобар беше Андоновски со пет гола.
