Усман Маронг го обнови договоро со Силекс, тој останува во Кратово до крајот на 2025 година. 25-годишниот играч за врска во Кратово пристигна на почетокот од 2024 година и се покажа во одлично издание.
Тој за тимот од Кратово одигра 34 натпревари, на кој постигна два гола и впиша десет асистенции.
Силекс е есенски шампион во Првата македонска фудбалска лига, а тимот покрај тоа што сака излез во Европа, ја сака и титулата во домашниот шампионат.
Интернационалецот од Гамбија во Силекс дојде од Воска Спорт, а претходно во македонскиот шампиона настапуваше во Брера Струмица, во Србија има настапвано за тимот на Црвена Ѕвезда, Графичар, Трајал и Радник, во Израел беше дел од Хапоел Ранана, а во родната држава настапуваше за Суперстарс.
Во тековната сезона Маронг во дресот на прволигашот од Кратово одигра 18 натпревари, постигна два гола и запиша седум асистенции со тоа што на фудбалските терени помина 1.554 минути.
