Ракометарите на Охрид со превисоки 42:25 ја декласираа Струга во „езерското дерби“ со што охридските „гладијатори“ победнички го затворија есенскиот дел од Суперлигата.
Тимот на Стевче Алушовски немаше проблеми на овој меч и во текот на целиот меч играше квалитетно и стигна до нови два бодови на своето конто.
Нашиот тим е во спортската сала „Билјанини Извори“, а во следните моменти очекуваме изјави за овој меч од Охрид за што ќе информира Спортска Мрежа дополнително.
Наум Костови и Дејан Кукуловски беа најдобри кај Охрид со по шест гола, додека пак средниот бек Бобан Савеска со пет гола беше најдобар кај Струга.
Вардар лесно дојде до нова победа откако со 43:22 го декласираше Бутел, кој немаше сили да парира и доживеа тежок пораз од 21 гол разлика.
Владимир Дмитро Хориха со шест гола беше најдобар кај Вардар, а пак Тодор Узунчев кај Бутел имаше седум гола.
Освојувачот на Купот, тимот на Алкалоид вечерва во Автокоманда со превисоки 35:26 лесно се справи со Тиквеш и го декласираше гостинот од Кавадарци за нова победа, со што четата на Кирил Лазаров е на врвот на табелата, а тоа значи дека Алкалоид е есенски шампион.
Петковски беше најдобар кај Алкалоид со девет гола, а Серафимов имаше осум, додека пак кај Тиквеш најдобар беше Кривокапиќ со шест гола.
