Шампионот Еурофарм Пелистер вечерва со 35:33 го доби најголемото ракометно дерби со Вардар, откако на „жешкиот“ терен во Битола шампионот имаше дури и плус девет, но Вардар успеа да се врати, но не доволно за целосен пресврт, бодовите остануваат во Битола.
Еурофарм Пелистер со овој триумф се израмнува со Вардар на второто место, но и сериозно влегува во трката за првото место во регуларниот дел.
Радивојевиќ имаше 13 гола за шампионот, а пак Кузмановски постигна осум гола, за Вардар најдобар беше Крсманчиќ со девет гола.
Тиквеш и Охрид одиграа нерешено во Кавадарци, 26:26, во рамки на 15. коло за поделба на бодовите.
Неизвесна игра во текот на целиот меч, а на крајот Охрид имаше можност и да го реши мечот, но не реализираше во последните седум секунди.
Обина со седум гола беше најдобар кај Тиквеш, додека пак Гал Цирар со десет гола го водеше Охрид.
Реми и поделба на бодовите во Битола откако Борец Ф. и Пролет одиграа 25:25 во рамки на 15. коло.
Натпревар кој беше израмнет во текот на сите 60 минути, а домашниот голман Славјан Паунов беше на вистината на задача вечерва со 13 одбрани.
Најдобар кај Борец беше искусниот Ивица Илиев со осумг ола, а пак Бакар имаше 12 гола кај Пролет.
