Вардар победнички ја отвори новата сезона во која ќе ја брани титулата, откако во рамки на првото коло со 2:0 го доби повратникот во елитата, тимот на Брегалница.
Димитар Тодоровски по триумфот на неговиот тим потенцираше дека ова е многу важен за нив, на почетокот од новата сезона, а пред реваншот против Рига во квалификациите за Конференциската лига на УЕФА.
“Ова е многу важен триумф за нас, на почетокот на новата сезона, но и во пресрет на реванш натпреварот против Рига во квалификациите за Конференциската лига. Тренерот направи неколку замени, тимот доби на свежина и мислам дека тоа се почувствува и успеавме да ја надиграме Брегалница. Сега се фокусираме на европскиот предизвик, ќе сториме сѐ да победиме и на тој меч”, истакна играчот на Вардар, Димитар Тодоровски.
Во следното коло Вардар го очекува дерби против вицешампионот Шкендија.
