Денес ќе бидат одиграни два натпревари од првото воведно коло на Првата македонска фудбалска лига, а познати се и официјални лица.
Вардар ќе ја пречека Брегалница на домашен терен, а за правдата ќе биде задолжен Влатко Илиоски. Негови асистенти ќе бидат Владимир Митревски и Борис Трајков, а четврт судија е Благојче Ралевски.
Во ВАР собата ќе бидат Александар Урошевиќ и Гоце Петрески, а оператор за повторување на снимка е Матеј Димитриевски.
Делегат на мечот ќе биде Славчо Ѓорѓиоски, а контролор Илир Сеља.
Во ист термин Струга Трим Лум ќе игра против дебитантот Шкендија Арачиново, а за правдата ќе биде задолжен Фуркан Идризи. Помошници ќе бидат Александар Ѓорѓиескии и Абази Имран, а четврт судија е Пларент Салихи.
Во ВАР собата ќе бидат Тоше Ицев, а оператор за повторување на снимка е Виктор Васев.
Делегат на мечот ќе биде Фатмир Салаи, а контролор Димитар Мечкаровски.
