Второлигашот Пелистер продолжува со градењето на тимот со кој ќе атакува на експресно враќање во Првата македонска фудбалска лига, откако го промовираше Костадин Капсаров како ново засилување, а кој доаѓа од редовите на Брегалница.
Капсаров зад себе имаше фантастична сезона во дресот на „сините“ од Штип, стана шампион во Втора лига со Брегалница и обезбеди влез во Прва лига со штипјани, а притоа во дресот на сега веќе новиот прволигаш беше најдобар стрелец со 14 погодоци и беше клучен играч за тимот од Штип.
21-годишниот настапуваше за АП Брера Струмица, Беласица, Детонит Плачковица и последно Брегалница од Штип.
Битолчани новата сезона ја отвараат против дебитантот Камјани на домашен терен.
