Прволигашот Брегалница во пресврт на првото коло од ПМФЛ ја продолжи соработката со двајца млади играчи – Лука Бојаџиев и Даријан Тасев остануваат во „синиот“ дрес и во следната сезона.
Брегалница продолжува да се екипира и да биде комплетна за првиот предизвик веќе в сабота против шампионот Вардар во Скопје.
„Со особено задоволство го потврдуваме продолжувањето на соработката со нашите млади надежи, кои со својот талент, посветеност и потенцијал претставуваат важен дел од иднината на клубот. Веруваме дека пред нив се големи предизвици, но и уште поголеми можности за напредок и докажување. Со правилна работа, труд и посветеност, тие треба да израснат во вистински столбови на клубот во годините што следуваат. Горди сме што нашата иднина ја градиме со сопствени сили и со млади играчи кои се производ на нашиот младински погон“, велат од клубот.
Минатата сезона Брегалница заврши на првото место во Втора лига и како шампион се врати во прволигашкото друштво.
