Комисијата за натпревари при Фудбалската федерација на Македонија (ФФМ) го регистрираше натпреварот од 15. коло во Втора МФЛ меѓу ФК Каменица Саса и ФК Скопје со службен резултат 0:3 во корист на гостинската екипа.
Натпреварот, кој се одигра во Македонска Каменица, беше прекинат во 71. минута при резултат 1:1. Дополнително, комисијата одлучи да го суспендира теренот на ФК Каменица Саса за одигрување на натпревари. Суспензијата ќе важи до конечната одлука на Дисциплинската комисија на ФФМ.
“Одлуките на Комисијата за натпревари се донесени врз основа на извештаите на официјалните лица од натпреварот (судии и делегат). Натпреварот ФК Каменица Саса – ФК Скопје беше прекинат поради вербален и физички напад на претставници на гостинската екипи”, се вели во соопштението на ФФМ.
Сега Саса е шестта со 24 бодови, а Скопје е осми со 22.
