Искусниот дефанзивец Дарко Стојанов е ново име во прволигашот Брегалница, ексклузивно дознава Спортска Мрежа, штипјанецот се враќа во дресот на „сините“ и ќе биде еден од носителите на тимот за следната сезона.
Стојанов во минатото во неколку беше дел од Брегалница, а сега повторно го облекува синиот дрес.
По завршувањето на сезоната, 36-годишниот стопер и Кожуф се разделија, откако заеднички ја исполнија главната цел – обезбедување опстанок во Втората македонска фудбалска лига. Стојанов имаше клучна и важна улогата во исполнување на целите со Кожуф минатата сезона.
Зад Стојанов е богата и успешна кариера. Првите сениорски настапи ги запиша во Вардар, а потоа настапуваше и за Маџари Солидарност, Беласица и Брегалница, каде остави длабока трага и стана едно од препознатливите имиња на клубот од Штип.
Штипјанецот потоа кариерата ја продолжи во редовите на поранешниот вицешампион Хоризонт Турново, Борец, Ренова, Детонит Плачковица и повторно Вардар, додека интернационално искуство стекна во бугарскиот Дунав Русе.
Брегалница која минатата сезона стана шампион во Втора лига и се врати во Првата македонска фудбалска лига активно работи на креирање на ростерот за следната сезона, а ангажманот на Стојанов е уште една потврда дека Брегалница ќе гради квалитетен тим со искусни имиња.
Брегалница сезоната ја отвара против шампионот Вардар во гости, а првиот домашен меч како прволигаш ќе го игра против Арсими во рамки на 2. коло.
