На Летното државно првенство во пливање (50 метри) што се одржа во Скопје, македонското пливање доби двајца регионални медалисти кои уште еднаш го потврдија својот квалитет.
Девран Куртис од Охрид се закити со бронзен медал во категоријата постари пионери и остана единствениот медалист од охридскиот регион во оваа конкуренција.
Ова беше нејзин трет настап на Националното првенство, а во сите три учества успеа да се искачи на победничкиот пиедестал, што го потврдува нејзиниот континуитет и стабилност на државно ниво.
Од друга страна, Јован Кутаноски од Струга беше единствениот медалист од струшкиот регион во категоријата помлади пионери, со што двата млади пливачи се издвојуваат како единствени носители на медали надвор од Скопје.
И двајцата се дел од истиот клуб и работат под водство на истиот тренер односно Никола Кутаноски, што дополнително го нагласува квалитетот на нивната работа и систематскиот развој на младите пливачи.
Со овие резултати, Охрид и Струга добиваат силна потврда дека во регионот расте нова генерација на перспективни пливачи кои успешно се носат со најсилната домашна конкуренција.
