Фудбалскиот клуб Јени Маале кој е вистински хит во мак-фудбалот најавува пријателски натпревар кој ќе го одигра во Милано, против италијанскиот клуб Брера, што ќе биде вистински голем исчекор за битолскиот клуб.
Овој пријателски натпревар кој ќе биде најголем успех меѓународен за клубот ќе се реализира со поддршка од македонската фудбалска легенда Горан Пандев.
Претходно, како што веќе информираше Спортска Мрежа екипата на Јени Маале имаше историско учество во Купот на Македонија, откако на стадионот „Петар Милошевски“ во првото коло се соочи со прволигашот Шкендија од Тетово. Иако овој меч заврши со 0:5 за искусниот тим од Тетово, Јени Маале докажа дека еден клуб кој се натпреварува во ОФЛ Битола може да биде организиран на ниво како прволигаш.
Клубот има одлична стратегија, план за работа и внатрешна организација на која може да позавидуваат и прволигашите. Максимално активни на социјалните мрежи со квалитетна графика за најава на натпреварите, објавување на составите пред натпреварите, графика за табела – ПР активности какви немаат многу екипи кои се натпреваруваат во повисок ранг на натпреварување.
Уште еден голм историски чекор за Јени Маале, клуб кој е пример како треба да функционираат и прволигашите. Дефинитино сезона за историски успеси на Јени Маале – историско учество во Купот на Македонија и историски меѓународен натпревар во Италија.
ФК Јени Маале со својата традицијална забава ја заокружи есенската полусезона, а традиционален говор секогаш има капитенот Никола Пискачев кој секогаш прави оригинална ретроспектива.
