Пред стартот на летните подготовки неколку второлигаши направија промени на тренерската позиција, остануваат уште неколку клубови кои ќе треба да назначат тренери бидејќи имаат празно тренерско столче, но ќе има промени и во некои други клубови, барем така велат нашите информации.
Беласица во новата сезона ќе ја води Мартин Алаѓозовски, а пак Брера Струмица го врати Ѓорѓи Стојчев, тренерот кој има двојна круна со младинците, а кој во минатото истото така го водеше првиот тим на Брера во Првата лига.
Новаци го промовираше Иван Варадиновски за нов предводник на клубот за следната сезона. Токму заминувањето на Варадиновски од екипата на Кожуф, го остава второлигашот од Гевгелија со испразнето тренерско столче, со што се очекува во следниот период истото да се пополни и тимот совреме да ги стартува подготовките и соодветно да се засили.
Без тренер е и ланскиот прволигаш Пелистер, откако раководството заедно со стручниот штаб си поднесоа оставки и со тоа се очекува во следните денови Пелистер да добие нов тренер, откако претходно ќе го комплетира раководството.
Под прашалник има уште неколку клубови кои во следниот период ќе менуваат на тренерската позиција, така велат нашите информации и во следниот период ќе ги објавиме промените кои ќе се случат кај дел од второлигашите.
Новата сезона во Втора лига ќе започне на 15 август, а веќе до пред 10 јули екипите ќе треба да ги започнат летните подготовки и да ги закажат пријателските натпревари.
