Новиот прволигаш Шкендија Арачиново продолжува да го засилува својот состав во пресрет на дебитантската сезона во Првата македонска фудбалска лига. Ново име во редовите на клубот е искусниот напаѓач Марко Симоновски.
Триесет и четиригодишниот голгетер во Арачиново пристигнува од кипарскиот прволигаш Еносис, носејќи богато интернационално и домашно искуство. Во својата кариера Симоновски настапуваше за повеќе клубови меѓу кои Вардар, Металург, Сплит, Напредок, Дрита, Башкими и Гостивар.
Со неговото доаѓање, Шкендија Арачиново добива проверен напаѓач кој во текот на кариерата има постигнато значителен број голови и се очекува да биде еден од главните адути во офанзивниот дел од тимот.
Клубот од Арачиново, кој неодамна обезбеди историски пласман во македонската фудбалска елита, продолжува да гради конкурентен состав за претстојните прволигашки предизвици.
