Тиквеш конечно го дочека својот втор сезонски триумф откако во последниот есенски натпревар со 2:0 славеше над Брера Струмица, а со тоа успеа и да ја напушти опасната зона во Првата лига.
Во финишот на првиот дел Давид Манасиевски постигна гол за 1:0 на полувреме, а во финишот на мечот пак Кристијан Стојкоски постигна гол за конечни 2:0. На овој меч главниот судија Игор Стојчевски подели три црвени картони, два за домашниот тим, а еден го за гостинскиот тим од Струмица.
Дербито во Тетово меѓу Шкендија и Гостивар заврши без победник, но и без голови (0:0).
Работнички забележа висока домашна победа од 3:0 над Пелистер преку двата гола на Мазари и погодокот на Регхба.
Шкупи дојде до победа од минимални 0:1 над Беса во Гостивар и преку автоголот на Захов.
Силекс дома славеше минимална победа од 1:0 над Вардар со што кратовскиот прволигаш ја продолжува победничката серија. Стрелец на единствениот гол во Кратово беше Кристијан Ефтимов. Донов заработи директен црвен картон во 30. минута, а во 54. минута и Ѓуриќ од Вардар доби директен црвен картон.
Во финишот на мечот Брауновиќ со втор жолт картон беше исклучен од игра.
Силекс со овој триумф стана есенски шампион во Првата македонска фудбалска лига.
Струга Трим Лум преку двата гола на Христијан Малески славеше над Воска Спорт, во меч каде за охриѓани Клинтон беше стрелец.
