Голманот – херој Антонио Столевски и Николче Шаркоски верни на Шкендија Арачиново, прилепчаните ставија потпис на нови договори за продолжување на соработката.
Новиот прволигаш Шкендија Арачиново продолжува со градењето на ростерот за дебитантската сезона во фудбалската елита на Македонија со продолжување на соработката со фудбалерките кои испишаа историја обезбедување влез на тимот од Арачиново во Прва лига.
Сосема очекувано голманот Антонио Столевски кој беше херој за Шкендија Арачиново во бараж мечот со Пелистер и практично беше најзаслужен што неговиот тим е во Прва лига ја продолжи соработката и за следната сезона.
Од тимот кој го води Берат Имери изразија задоволство што е продолжена соработката и за следната сезона, потенцирајќи дека неговото искуство, професионализам и посветеност на теренот и надвор од него се одлична гаранција за новите предизвици за следната сезона во Прва лига.
Столевски во Шкендија Арачиново пристигна во јануари 2026 година од Слога Виница, а низ неговата кариера го чуваше головите на Брегалница, Победа, Караорман, Кожуф и Велешта.
Во Шкендија Арачиново останува и Николче Шаркоски кој во јануари 2026 година пристигна од Кожуф и ги оправда сите очекувања со одлични игри беше еден од клучните играчи за историскиот успех на тимот од Арачиново пласирајќи се во Прва лига.
„Со својот професионализам, карактер и извонреден придонес на теренот, тој остави неизбришлив белег на најголемиот успех на клубот. Продолжувањето на оваа соработка ги потврдува нашите сериозни цели за новата сезона во Првата фудбалска лига, каде што искуството и квалитетите на Шаркоски ќе бидат голем адут за тимот“, велат од дебитантот во Прва лига.
