Откако вчера заврши есенската полусезона во Втората лига, а Охрид со убедлива победа од 4:1 го декласираше Борец, претседателот Данчо Целески ја активира оставката, која претходно беше најавена.
„После денешниот натпревар претседателот Данчо Целески ја активира оставката која што ја најави лично до градоначникот на Охрид во текот на репрезентативните паузи во септември, а и уште еднаш во октомври. Истата треба да се потврди од управниот одбор и од градоначалникот на Охрид. Детални информации ќе бидат објавени во наредните денови“, се вели во соопштението од страна на охридскиот второлигаш.
Охрид есенската полусезона ја заврши на седмото место со 24 бодови на своето конто, а пролетниот дел ќе го отвори на домашен терен против есенскиот шампион Македонија ЃП.
