Утре на стадионот во Ѓорче Петров ќе се одигра бараж натпреварот меѓу Кочани и Билјанини Извори за влез во Првата женска фудбалска лига.
Екипата на Кочани ќе се бори за опстанок во елитата, а пак тимот од Охрид за враќање во Првата лига.
Познати се и судиите кои ќе ја делат правдата на бараж натпревар, а во кој се соочуваат два поранешни шампиони.
Главен судија на овој натпревар ќе биде Влатко Илиоски, негови асистенти ќе бидат Елена Соклевска Илиевски и Радмила Неркова. Контролор на натпреварот ќе биде Горан Манасиев.
Натпреварот е закажан со почеток од 12 часот.
