По кадетската екипа, и пионерките на Наковски Волеј се закитија со шампионската титула во својата возрасна категорија.
На финалниот турнир, кој викендов се одржа во салата „Невена Георгиева – Дуња“ во Скопје, во одлична организација на Фламинго Волеј, одбојкарките на Наковски Волеј во финалето со 3:0 (25:11, 25:20, 25:22) ги совладаа врсничките од Форца Волеј ЕМА.
Претходно во полуфиналето, Наковски Волеј со 2:0 (25:19, 25:20) беше подобар од Фит Фан Волеј, додека Форца Волеј ЕМА во два сета (26:24, 25:21) славеше против домаќинот Фламинго Волеј.
Во мечот за третото место, Фит Фан Волеј беше поуспешен од составот на организаторот.
Со овој финален турнир во женска пионерска конкуренција беше комплетирана сезоната 2025/2026 во сите возрасни категории, во организација на Одбојкарската федерација на Македонија.
ПИОНЕРКИ, ФИНАЛЕН ТУРНИР
ПОЛУФИНАЛЕ
Фламинго Волеј – Форца Волеј ЕМА 0:2 (24:26, 21:25)
Наковски Волеј – Фит Фан Волеј 2:0 (25:19, 25:20)
МЕЧ ЗА 3. МЕСТО
Фламинго Волеј – Фит Фан Волеј 0:2 (14:25, 18:25)
ФИНАЛЕ
Форца Волеј ЕМА – Наковски Волеј 0:3 (11:25, 20:25, 22:25)
КОНЕЧЕН ПЛАСМАН
1 НАКОВСКИ ВОЛЕЈ
2.ФОРЦА ВОЛЕЈ ЕМА
3. ФИТ ФАН ВОЛЕЈ
4. ФЛАМИНГО ВОЛЕЈ
