Овој викенд, салата „Билјанини извори“ во Охрид ќе биде домаќин на уште едно дружење на најмладите кошаркари и кошаркарки во рамки на проектот „Минибаскет каравани“, во организација на Кошаркарската федерација на Македонија.
Новата станица на кошаркарскиот караван е закажана за 17. мај, со почеток од 12:00 часот, кога најмладите кошаркарски таленти повторно ќе имаат можност да уживаат во играта, дружењето и љубовта кон кошарката.
Проектот „Минибаскет каравани“ има за цел да го поттикне спортскиот дух, фер-плејот и правилниот развој на децата преку кошарката. Акцентот е ставен на играта и забавата, без резултатски притисок, како и на меѓусебното запознавање и размена на искуства меѓу младите кошаркари и тренерите.
Натпреварите ќе се играат според правилата на мини-баскет, односно системот ФИБА „Бам пасарела“, со формат од 4 х 8 минути.
Првите две четвртини ќе се играат со задолжителен цел состав – првата петорка ќе ја игра целосно првата четвртина, а втората петорка целосно втората четвртина, со дозволени по две замени.
Натпреварите ќе се реализираат без резултатски притисок, со судии назначени од Кошаркарската федерација на Македонија, а право на настап имаат екипи составени од минимум 10, а максимум 15 играчи, родени 2014 година или помлади.
МИНИ БАСКЕТ КАРАВАН – ОХРИД 2026
РАСПОРЕД НА НАТПРЕВАРИТЕ
време натпревар терен
12.00: Охрид – Овче Поле 1
12.00: Гостивар (ж) – Колибри (ж) 2
11.00: Тетекс ТТК – Црн Дрим 3
12.45: Кожув – Колибри 1
12.45: Петровски Водно санс 2
12.45: Вардар – Овче поле 3
13.30: МКК Куманово – Тиквеш ГИ 1
13.30: Црн Дрим 2 – Охрид 2
13.30: Спорт тим (ж) – Охрид (ж) 3
14.15: Декса (ж) – Струга 2009 (ж) 1
14.15: Петровски (ж) – Гостивар (ж) 2
14.15: Петровски – Кожув 3
15.00: Водно санс – Колибри 1
15.00: Тиквеш – Вардар 2
15.00: МКК Куманово – Црн Дрим 2 3
15.45: Колибри (ж) – Спорт тим (ж) 1
15.45: Охрид (ж) – Декса (ж) 2
15.45: Струга 2009 (ж) – Петровски (ж) 3
16.30: Струга (2017) – Петровски (2017) 1
16.30: Охрид (2017) – Петровски (2017) 2
