Викендот следуваат нови возбудувања на терените со натпревари од 13. коло во Третата македонската фудбалска лига – Север. Заедно со тимовите кои се борат за пласман во горниот дел на табелата, ова коло носи и важни пресметки за тимовите кои се наоѓаат во долниот дел и се обидуваат да обезбедат прогрес на табелата и бегство од опасната зона која води кон испаѓање во Четвртата лига одосно Општинките фудбалски лиги.
БВК Коњаре на домашен терен ќе игра против Башкими Љуботен важен дуел особено за гостинот кој ќе се бори за подобар пласман. Сега е на 8-то место и има 16 бодови, така што победата ќе биде клучна ако сакаат да се вратат во конкуренција за повисока позиција. Од друга страна, БВК Коњаре е на шесттото место и ќе се обиде да ги задржи бодовите за да остане во топ 5.
Лидерот на табелата, Шкендија Арачиново, продолжува да доминира со 34 бодови. Противникот, Аеродром, кој е на 4-то место, ќе се бори за бодови во овој тежок натпревар. Шкендија Арачиново ќе се обиде да ја продолжи својата победничка серија, но Аеродром сигурно ќе има стратегија за да направи изненадување, но повеќе од јасное дека тоа ќе биде тешко.
Куманово се наоѓа на 5-то место, и сака да ги задржи бодовите за да се одржи во борба за повисока позиција. Ланскиот шампион кој не го помина баражот за Втората лига ќе се соочи со новиот третолигаш Њу Стар кој е на последното место со само 5 бодови, и нема простор за нови порази ако сакаат да се спасат од опасната зона.
Пчиња со 9 бодови и Академија Илинден со 10 бодови ќе се сретнат во уште еден натпревар каде што секој бод ќе биде драгоцен за прогрес на табелата. Ова е можност за двете екипи да се доближат до средината од табелата.
Некогашниот второлигаш Кадино, кој е на 10-то место, и дебитантот Ржаничино, кој е на 9-то место, ќе се сретнат во директен дуел за бодови. Се очекува интересен натпревар бидејќи и двата тима се наоѓаат во близина на опасната зона и мора да покажат добра игра за да избегнат поголеми проблеми.
Екс прволигашот Еуромилк ГЛ ќе бара рехабилитација и враќање на победничките патеки после големиот пораз во претходното коло, додека Беса Влазими, која е на 7-мо место, ќе се бори за излез од средината на табелата и да обезбеди победи во наредните натпревари за скок на табелата.
Второпласираната Фортуна како фаворит ќе игра против Риниа, која се наоѓа на 13-то место и ќе се обиде да изненади на домашен терен. Сепак, Фортуна со 29 бодови покажува дека има одлична сезона со најдобриот стрелец во своите редови Орхан Мифтар, па на тој начин нема да дозволи изненадување.
Сите натпревари ќе стартуваат во 14 часот.
