Екипата на Балкан продолжува да нижи високи и убедливи победи преку доминантна игра, откако во рамки на 7. коло на Втората футсал лига со 3:7 го „збриша“ и ланскиот прволигаш Карадаку, кој е „фенерџијата“ на дното без бодови.
Фаворитската улога беше на страна на екипата на Балкан и истата беше оправдана. Во првиот дел се обиде Карадаку да парарира и да направи изненадување, откако резултатот беше 3:5, но во вториот дел со нов два гола Балкан ја потврди победата.
Омер Саќипи беше двоен стрелец за Балкан, а Мурат Исени постигна еден гол, додека пак кај гостинот Ибрахим Алији беше стрелец на три гола, а по еден гол постигна Пајтим Реџепи, Енис Реџеп, Омер Ељези и Игор Барџовски.
Партизан Југ го доби дербито во Брвеница со СЕЕ Унирсити од Тетово со резултат од 6:5.
Радески, Симљановски, Ѓорѓевски, Веселиновски и Јовановски беа стрелци за Партизан, а пак Муртезани си постигна автогол, за гостинот погодија Мемеди, Азизи и Рамадани, а пак Шаќири беше двоен стрелец.
