Денес ќе биде отворено 12. коло во Трета лига – Запад со два натпревари.
Напредок на домашен терен ќе атакува на триумф против Доброшти, во израмнет меч каде поранешниот прволигаш посакува три бодови. Натпреварот стартува веќе во 12 часот, а главен судија ќе биде Куштрим Лика.
Камјани на домашен терен ќе има тешка задача против големиот фаворит Тетекс, во меч каде „штофарите“ само три бодови гледаат како опција со цел сочувување на првото место кое води кон баражот за Втора лига. Натпреварот стартува во 13 часот, а правдата ќе ја дели Фуркан Идризи.
Утре во 13:30 ќе се соочат Љуботен и Дрита каде правдата ќе ја дели Пларент Салихи од Тетово, поранешниот прволигаш Ренова ќе игра дерби со Џепчишти, а главен судија ќе биде Александар Урошевиш.
Речица на домашен терен ќе игра против Зајази и ќе бара три бодови за бегство од дното, а главен судија на овој меч кој ќе започне во 12 часот ќе биде Идрис Сали.
Влазерими на домашен терен ќе игра против Велазерими Слатино каде домаќинот е фаворит за трите бодови, а за правдата ќе биде задолжен Бенарт Зеќири, стартот е закажан во 13 часот.
