Фудбалскиот клуб Вардар од летово има ново раководство, по превземањето на клубот од страна на новиот мнозински акционер Атила Бижен Жалили, а пак здружението „35 години Вардарци Скопје“ кое што то водеше клубот во минатата сезона, сега има 15% од акциите во најтрофејниот македонски фудбалски клуб.
По тој повод беше одржана прес-конференција на која Милорад Миленковски зборуваше за целата ситуација.
„На 10 јуни имавме средба со претставници на Владата, каде што ни беше кажано дека решението за ФК Вардар е на повидок и дека ќе треба за тоа да се случи ние да ги предадеме нашите акции. Во тој момент значи после одредено колебање, тоа од прилика е некаде 10 јуни се договоривме дека тие наши акции ќе ги предадеме, на инсистирање на тие коишто не повикаа, а на барање на всушност на инвеститорот е поставен господинот Миленко Неделковски како вршител на должност извршен директор на ФК Вардар тогаш. Меѓутоа, тоа не го прифативме во тој момент моравме да се консултираме со со нашето членство бидејќи како што спомнав на почетокот како здружение сме правен застаник односно субјект кои што ги застапува интересите на навивачката група „Комити Запад“. На 3. јули свесни за ризикот Вардар да не пропадне на некој начин бевме принудени ФК Вардар да го предадеме и да пружиме рака со господинот Миленко Неделковски односно со тие кои што него го промовираа. Значи преска спомнавме дека се разгледуваше драфт верзија на договорот на ФК Вардар односно на здружението „35 години Вардарци“ со претставниците на господинот Атила. Откако добивме нови аргументи дека ФК Вардар ќе биде заштитен, значи на некој начин влеговме во таа игра и се согласивме да биде претставник поради тоа што неизбежно и ние не го избираме тоа едноставно ние е претставено на маса, ситуацијата е ваква – или Миленко ќе биде во фудбалскиот клуб Вардар или Вардар нема да постои“, рече Миленковски на прес-конференцијата.
Вардар е во долниот дел од табелата односно во зоната за директно испаѓање, а викендот ќе игра во Охрид против Воска Спорт.
