Екипата на Арсими во рамки на 23. коло од Првата Фудбалска лига ќе се соочи со Шкендија во Тетово. Иако гостиварскиот тим е во резултатска криза, верува дека токму овој натпревар може да донесе пресврт
Дефанзивецот на Арсими, Ајрадин Цуцули, зборуваше пред важниот натпревар против Шкендија во Тетово, искрено признавајќи дека екипата минува низ тежок период.
“Свесни сме дека како тим поминуваме низ не толку добар период. Последните резултати не беа онакви какви што ги очекувавме и тоа, секако, создаде одредена криза кај нас. Сепак, во фудбалот ваквите моменти се случуваат и најважно е како ќе реагираме како екипа”, изјави Цуцули.
Тој потенцираше дека ги очекува исклучително тежок натпревар во Тетово.
“Не очекува многу тежок дуел против Шкендија. Станува збор за квалитетна екипа со традиција, која секогаш е силна на свој терен. Имаме максимален респект кон нив и свесни сме колку тешка ќе биде оваа средба”, додаде тој.
Сепак, Цуцули верува дека Арсими има потенцијал да излезе од кризата.
“Од наша страна, ќе дадеме максимум на теренот. Се надевам дека што побрзо ќе излеземе од оваа криза и ќе почнеме да бележиме позитивни резултати, бидејќи оваа екипа има квалитет и верувам дека можеме да се вратиме уште посилни во продолжението од сезоната”, заврши дефанзивецот на Арсими.
Натпреварот по меѓу Шкендија и Арсими ке се одигра денес со почеток во 14:30 часот на градскиот стадион во Тетово.
