Втора лигаФудбал

Охрид влегува во елитната eFootball лига – радовишанецот Иван Иванов дел од тимот на ГФК Охрид Лихнидос

Сподели
Сподели

ГФК Охрид Лихнидос ќе има свој претставник во една од најквалитетните регионални eFootball лиги – EPC (eFootball Pro Champions), натпреварување кое го организира Balkan eSports Organization, а чијшто натпревари редовно се пренесуваат во живо на телевизискиот канал Arena eSport.

Лигата се игра во популарниот 3 на 3 мод, со натпревари секој понеделник и петок, а натпреварувањето е поделено на Прва и Втора лига. Во новата, четврта сезона, со поддршка на ГФК Охрид Лихнидос, македонскиот тим ќе настапува во Првата лига каде конкуренцијата е исклучително силна.

Во елитното друштво се наоѓаат некои од најпознатите eFootball екипи од Балканот и Европа, меѓу кои Црвена Звезда, Партизан, ПАОК, Марибор, Будуќност и други клубови со голема традиција и сериозни eSports состави. Во нивните редови настапуваат и дел од најдобрите eFootball играчи во Европа, меѓу кои има и европски и светски шампиони, што ја прави оваа лига една од најсилните во регионот.

До сега единствен македонски претставник во ова натпреварување беше Пелистер, кој имаше солидни настапи, а сега целта на новиот македонски тим е достојно да го претстави ГФК Охрид Лихнидос, но и македонскиот фудбал на оваа голема регионална сцена.



Тимот во новата сезона влегува со сериозни амбиции. Првата цел е пласман во плејоф фазата, а потоа и борба за едно од првите три места на табелата.

Боите на ГФК Охрид Лихнидос во ова натпреварување ќе ги бранат Иван Иванов – државен шампион во eFootball во Македонија и играч кој потекнува од Радовиш, како и Марко Дрињаковиќ, Вук Алексиќ и Милорад Јовичевиќ.

Станува збор за искусни и докажани eFootball играчи кои зад себе имаат бројни настапи и успеси, особено во 3 на 3 модот, што му дава сериозна конкурентност на тимот во пресметките со најсилните екипи во лигата.

Новата сезона во EPC лигата започнува на 16 март од 20:00 часот, а љубителите на eSports ќе можат да ги следат натпреварите во директен пренос на Arena eSport ТВ каналот, како и на нивниот официјален YouTube канал.



Спортска Мрежа ексклузивно ќе ги следи настапите на ГФК Охрид Лихнидос во eFootball лиги – EPC (eFootball Pro Champions).

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

🔴 Во ЖИВО: Еурофарм Пелистер – Вардар

Следете го во ЖИВО големото ракометно дерби во Битола меѓу Еурофарм Пелистер и Вардар.

Прва женска фудбалска лигаФудбал

Топ Гол го „тресна“ Кочани и го „заковаа“ на дното во дербито за опстанок

Трите бодови останаа во Битола – Топ Гол ја доби дерби пресметката за опстанок со Кочани, откако славеше пред својата публика со 2:1...

Поврзани написи
Трета лигаФудбал

Реми на Вардар Брвеница, лидерот Камјани и Влазерими со убедливи победи

Лидерот Камјани забележа сигурена и убедлива победа од 0:3 над Доброшти во...

Трета лигаФудбал

Малеш во 92. минута се спаси од пораз во Дојран откако ремизираше со Дојранско Езеро

Со четири погодоци и без победник заврши натпреварот во Дојран меѓу Дојранско...

error: Содржина е заштитена! Се забранува копирање на истата!