По соопштението на Победа дека поради очајната финансиска состојба сениорскиот тим нема продолжи со натпреварување, цел Прилеп е на нозе и се прават напори да се „скрпи“ тим за да може Победа да ја доигра сезоната.
Се најавува спас на тимот со што ќе се бараат фудбалери кои се без ангажман од Прилеп и околината, а ќе се повлечат и неколку фудбалери од младинските категории.
Како што објави локалниот прилепски медиум Шампион веќе на Градскиот стадион „Гоце Делчев“ тренираат младинските категории, а ова е важен момент бидејќи може да се повлече неколку фудбалери во првиот тим.
Важен момент е тоа што Победа, иако преку соопштение истакна дека нема да продолжи со натпреварување сениорскиот тим во Втора лига, сепак клубот и натаму нема испратено известување до Фудбалската федерација на Македонија дека нема продолжи со натпреварување, што значи дека клубот и натаму е активен да продолжи со натпреварување и за таа цел се прават напори да се состави екипа за да се доигра сезоната.
Ако Победа не продолжи со натпреварување, тоа значи дека клубот ќе се сели во најнизок ранг на натпреварување, а тоа е Општинската Б лига во Прилеп кој е петта лига по ранг на натпреварување и ќе треба повеќе години за клубот да дојде до Трета лига – Југ, а потоа и Втора лига.
Во случај Победа да ја одигра сезоната и испадна во Трета лига – Југ, тогаш клубот би можел со добра реорганизација за една година да се врати назад во Втора лига. Но, најголем предизвик е решавање на финансиските проблеми.
