Општински фудбалски сојуз Валандово распиша конкурс за фудбалски судии – машки и женски, со цел проширување и подмладување на судискиот кадар.
Право на пријавување имаат сите лица со наполнети 16 години кои имаат желба да започнат кариера како фудбалски судија и активно да се вклучат во фудбалските натпреварувања.
Конкурсот ќе биде отворен во наредниот период, а сите заинтересирани можат да се пријават кај:
- Златко Зафиров – 078 381 650
- Славе Станисавовски – 071 513 537
- Петар Манчев – 070 788 430
Од ОФС Валандово информираат дека пријавените кандидати ќе добијат соодветна обука и едукација за правилата на фудбалската игра, како и практичен дел преку кој ќе стекнат искуство на терен.
Со овој конкурс, ОФС Валандово им нуди шанса на младите кои сакаат да бидат дел од фудбалот, но од поинаков агол – како арбитри што ќе ја делат правдата на натпреварите.
