Фудбалскиот клуб Тиверија од Струмица прославува 103 години постоење. Спортското друштво Тиверија започнало со активности во пролетта 1921 година, но официјално е регистрирано две години подоцна, на 13 февруари 1923 година.
Клубот остава силен белег во струмичкиот и македонскиот фудбал, клуб на работниците, клуб на занаетчиите.
Во моментот клубот се натпреварува во Трета лига – Исток, а во минатото беше дел и од Втората македонска фудбалска лига. ФК Тиверија настапувала во Прва и Втора македонска лига во склоп на поранешна СФРЈ.
Името на клубот низ годините останало исто и никогаш не се менувало. Потекнува од старото име на градот Струмица кој во римскиот период се среќава под името Тивериопол. Во средниот век градот имал две имиња. Едното било Тивериопол кое се употребувало во византиската администрација и во христијанската црковна традиција, а второто било денешното име Струмица кое го употребувале Словените.
Сепак највозбудливи и најинтересни натпревари биле оние со Беласица на кои секогаш присуствувале и по неколку илјади гледачи, независно дали биле првенствени или пријателски.
